Yeray Rodriguez, dha dorëheqjen pak ditë më parë, duke u larguar nga drejtimi i Apolonisë, skuadër e cila militon në Kategorinë e Parë.
Në një prononcim të dhënë për mediat spanjolle, 42-vjeçari zbuloi edhe arsyen që e shtynë të marrë këtë vendim.
Sipas tij, te klubi fierak, kishte mungesë profesionalizmi, në lidhje me objektivat e vendosura në fillim të sezonit.
Projekti nuk i plotësonte kushtet që ishin ofruar në fillim me objektivin e promovimit. Vura re mungesë profesionalizimi në disa aspekte dhe nuk ndihesha rehat me situatën. Pas dy javë bisedimesh, paraqita dorëheqjen.
Trajneri Rodriguez e lë skuadrën e Apolonisë në vendin e pestë në renditjen e Kategorisë së Parë, 10 pikë larg kreut, që mbahet nga Bylis.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
