Largimi i Pablo Sarabias tek Wolverhampton i ka shtyrë drejtuesit e Paris St Germain të kërkojnë një zëvëndësues për spanjollin.
‘’ Les Pariziens ‘’ janë treguar efikasë dhe do të tentojnë ti rrëmbejnë Lyonit Rayan Cherkin.
Mesfushori i talentuar ka treguar një nivel mbresëlënës dhe sipas francezes L’ Equipe ‘ do të sfidojnë Real Madridin dhe Juventusin për 19 vjeçarin.
Në Francë perla e ‘’ Les Gones ‘’ krahasohet me Karim Benzeman , si në aspektin fizik ashtu edhe duke iu referuar mënyrës së lojës.
Sigurisht që një transferim në ‘’ Parque de Prince ‘’ , sidomos në këtë moshë do të ishte një arritje shumë e madhe për Rayan Cherkin dhe një progres për parizienët në aspektin e fuqizimit me talentë , të cilët mendohet se do të jenë përfaqësuesit e kuq e bluve në të ardhmen.
S’duhet harruar se Paris St Germain në çdo merkato konsiderohet një ndër protagonistët absolutë pasi synon trofe të rëndësishëm, me në krye fitimin e Champions Leagues.
Modeli i zgjedhur nga gjigandët e Francës i përafrohet atij të Bayern Munchen , dominues i padiskutueshëm i Bundesligës në vitet e fundit dhe një rival shumë i fortë edhe në kompeticionin më të rëndësishëm europian për klube.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
