Problemet e Memphis Depay-t vijojnë tek Barcelona , lojtar që synon rikuperimin e vlerave të humbura dhe si duket merkatoja e ardhshme do ti vërë pikën eksperiencës në ‘’ Camp Nou ‘’.
Hollandezi ishte afër largimit nga Katalunja në të kaluarën por drejtuesit e spanjollëve vendosën për Aubameyang , i cili zgjodhi Chelsean për të vijuar karrierën .
Situata e vështirë me Barcelonën i ka shërbyer si reflektim golashënuesit , i cili sipas ‘ Sport ‘ ka kërkuar largimin në janar me parametër zero , gjashtë muaj përpara përfundimit të kontratës.
Ky fakt demostron sikletin e 28 vjeçarit tek ekipi i Xavi Hernandezit , për të cilin Botërori i Katarit do të jetë një provë shumë e rëndësishme për të gjetur një destinacion komod pas këtij evenimenti.
Sulmuesi konsiderohet një ndër peshat e rënda në kombëtaren e ‘’ Tulipanëve ‘’ , e cila me Louis van Gaal në stol do të kërkojë thyerjen e akullit dhe ta fitojë për herë të parë titullin kampion .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
