Niveli impresionues i Raphinhas në sezonin aktual është pasuar me interesin e disa klubeve.
Referuar këtij fakti drejtuesit e Barcelonës kanë filluar ti bëjnë llogaritë duke qenë se bëhet fjalë për disa oferta nga Arabia Saudite.
Siç dihet botërisht kur flitet për këtë shtet, natyrisht tundimi është shumë i madh për lojtarët por edhe për ‘’ Azulgranët ‘’ në këtë rast.
Menjëherë kreu i kuq e bluve Joan Laporta ka theksuar se pretendon të arkëtojë jo më pak se 80 milionë euro për largimin e ishi-t të Leeds United nga ‘’ Camp Nou ‘’.
Por, s’duhet harruar se nëse do të rezultojë kështu, ish fituesit e La Ligas dhe jo vetëm do të humbnin ndjeshëm në fazën ofensivë sepse 27 vjeçari është një lojtar tejet cilësor, teknik dhe i shpejtë, mbështetje e padiskutueshme për Robert Lewandowskin.
Kapaciteti për ti vënë në vështirësi rivalët vlerësohet maksimalisht nga pretendentët, lojtar i cili tashmë është një ndër më të rëndësishmit në 11-shen e Hansi Flickut.
Spanjollët prej vitesh me rradhë synojnë përsëri të kapin majat e futbollit spanjoll dhe atij europian, ashtu siç e bënë edhe në të kaluarën por me një ekip ndryshe, tek i cili spikatën shumë figura të njohura, si Messi, Xavi, Iniesta, Suarez apo Neymar, ndër të tjerë.
Me nivelin e treguar deri më tani Barcelona është qartësisht pretendente serioze për të fituar tituj por edhe merkatot do të marrin vëmëndjen maksimale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
