Trajneri i Romës, Jose Mourinho është pezulluar me dy ndeshje. Shkak për këtë janë bërë akuzat dhe protestat ndaj arbitrit në ndeshjen me Hellas Verona, ku verdhekuqtë barazuan 2-2.
Pak minuta para përfundimit të ndeshjes, portugezi u ndëshkua me karton të kuq nga arbitrit për protesta të shumta. Megjithatë nuk u mbyll këtu, pasi Mourinho shkoi deri aty sa akuzoi arbitrin se ishte dërguar nga Juventusi.
Për këtë arsye Gjykatësi Sportiv, në vendimin e marrë së fundmi, bën me dije, se Mourinho është dënuar me dy ndeshje pezullim. Sfidat ku 59-vjeçari nuk do të jetë në stolin e Romës, janë ato ndaj Spezias dhe Atalantës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
