City nis ofensivën për Fabian Ruiz

Mesfushori Fabian Ruiz ende nuk e ka gjetur gjuhën e përbashkët me drejtuesit e Napolit mbi rinovimin e kontratës dhe ky fakt afron ekipet e elitës me spanjollin .

Pas Real Madridit dhe Barcelonës ,  Manchester City do të tentojë transferimin e 26 vjeçarit pasi me shumë mundësi Ilkay Gundogan do ti japë lamturmirën ‘’ Etihad Stadium ‘’ gjatë verës.

Pep Guardiolas i duhet një lojtar determinant në këtë repart dhe tashmë ia ka dhënë dritën jeshile transferimit të ishi-t të Betisit.

Por s’do të jetë aq e lehtë për ‘’ Qytetarët ‘’ sepse prezenca e ‘’ Galaktikëve ‘’ dhe katalanasve në këtë histori duhet të merret në konsideratë për faktin e të qënit  ekipe që të ndëshkojnë atëherë kur nuk e pret .  

Nëse analizohet situata aktuale e rivalëve të anglezëve , natyrisht Real Madridi ka më tepër mundësi sepse e finalizoi sezonin me dy trofe tejet të rëndësishëm , si Champions League dhe  La Ligan ndërsa  kuq e blutë ende janë larg sukseseve  .

Megjithatë të besuarit e Pep Guardiolas nuk ngelin pas sepse fituan me meritë Premier Leaguen por vijojnë të besojnë se një ditë do t'ia shtojnë vitrinës këtë trofe .

Ilkay Gundogan do të mbahet mend gjatë për dy golat e shënuar në javën e fundit kundër Aston Villas që i dhanë kampionatin e tetë bardhekaltërve , të cilët kurrsesi nuk distancohen nga sukseset dhe pretendojnë të jenë protagonistë në çdo sezon.  

Me ‘’ Il Partenopei ‘’  Fabian Ruizit i skadon kontrata në 30 qershorin e 2023-shit dhe me rëndësi për tu theksuar është se kjo verë konsiderohet determinante për të përfituar nga shitja e talentit spanjoll sepse në rastin e mosarritjes së një akordi,  fatkeqësisht do ta humbisnin me parametër zero në verën e ardhshme.

Kalimi tek Manchester City për çdo lojtar konsiderohet një sukses më vete  sepse vitet e fundit kanë siguruar vazhdimisht trofe dhe për më tepër drejtohen nga një gjiigand si Pep Guardiola.