Analisti për futbollin italian Uvil Zajmi thotë se klubet italiane të serisë A dhe B gjithnjë e më tepër po merren në dorë nga investitorë të huaj.
Duke folur për “MCN Informacion” ai përmendi rastin e Interit për të cilin tha se u drejtua nga një kinez.
Deri më tani ka 10 klube të serisë A me investitorë të huaj. Duke iu referuar të dhënave janë 10 skuadra të Serisë A dhe 2 nga Seria B me investitorë të huaj.
Skuadrat janë drejtuar më shumë nga njerëz tregtarë, që prioritet kanë pjesën e fitimit dhe pjesën e tifozllëkut e kanë të dorës së dytë.
Ai shprehu keqardhjen për një zhvillim të tillë, duke shtuar se bëhet fjalë për vendin ku luhet futbolli më pasionant dhe se lidhja mes lojtarëve, klubit dhe tifozerisë tashmë nuk ekziston.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
