Trajneri i Ballkanit, Ilir Daja, ka folur para mediave, në prag të sfidës së dytë në Conference League, ku skuadra e tij do të përballë çekët e Slavia Prague.
Daja ka vlerësuar maksimalisht kundërshtarin, por shtoi se skuadra do të përpiqet të bëjë më të mirën dhe të vazhdojë paraqitjen e mirë që bënë ndaj rumunëve të Cluj.
Është ndeshja e parë në transfertë ku përballë kemi ekipin favorit, që po kalon një formë shumë të mirë edhe në kampionatin vendas, ka edhe shumë eksperiencë në kompeticionet evropiane. Gjithsesi duke e respektuar kundërshtarin ne do të përpiqemi që me mundësitë tona, me kontingjentin që kemi në dispozicion të bëjmë më të mirën e mundshme për të vazhduar atë paraqitjen e mirë që kemi bërë ndaj një kundërshtari tjetër të fortë siç ishte Cluj në ndeshjen e parë të grupeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
