Firmosja me Erling Haaland ka rikthyer shpresën tek Manchester City për arritjen e çdo objektivi në merkaton verore.
Pep Guardiola momentalisht është i fokusuar tek gjetja e një mbrojtësi të majtë dhe vështirësitë e hasura në lidhje me transferimin e Marc Cucurellas në ‘’ Etihad Stadium ‘’ i kanë detyruar bardhekaltërit të ndezin motorrët për Raphael Guerreiron.
Gjatë merkatove të fundit portugezi është tentuar nga ekipet e elitës dhe ‘’ The Citiziens ‘’ kërkojnë ti rrëmbejnë një tjetër yll Borussia Dortmundit.
29 vjeçari e përfundon kontratën në 30 qershorin e 2023-shit , fakt që do të thotë se ‘’ Verdhezinjtë ‘’ kanë shansin e fundit për të përfituar nga shitja e luzitanit dhe duke qenë se flitet për Manchester City-n , humbja e kohës mund të shkaktojë pendesë në të ardhmen .
Aktualisht interesi i gjermanëve është mbushja e arkave për arsye se kanë hasur vështirësi në aspektin ekonomik dhe i famshmi ‘ Pep ‘ kërkon ti vërë pikën problematikave të ishullorëve në krahun e majtë të mbrojtjes në vitet e fundit pavarësisht se i kanë kurorëzuar sezonet me tituj të rëndësishëm , si përshembull me fitimin e Premier Leagues.
Gjithsesi Borussia Dortmundi s’do të mbetej në vendnumëro për arsye se mund të përforcohet me lojtarë cilësorë dhe të vijojë tentativat për fitimin e titujve pavarësisht se në Gjermani e ka patur të pamundur prej shumë vitesh për shkak të protagonizmit të Bayern Munchenit.
Objektivi i ishi-t të Barcelonës mbetet fitimi i Champions Leagues , trofe që domosdoshmërisht e synon në çdo sezon dhe shpreson se në vijuesin do të thyejë një herë e mirë akullin dhe ti fusë bardhekaltërit në librin e fituesve të kompeticionit më të rëndësishëm europian për klube.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
