Sezoni jo i mirë i Napolit, skuadër momentalisht jashtë Europës është një sinjal se në merkaton e verës do të jetë një protagoniste e padiskutueshme, sidomos nëse i referohemi Serisë A.
‘’ Il Partenopei ‘’ e kanë humbur ndjeshëm terrenin në aspektin e performancës në krahasim me të kaluarën, fakt që me siguri do të pasohet me largimin e disa elementëve kyçë.
Një ndër më të pretenduarit është natyrisht Victor Osimhen, i cili nëse do ti japë lamtumirën ‘’ Diego Armando Maradonas ‘’ besohet se do të lërë një boshllëk në repartin e avancuar.
Drejtuesit kanë qëndruar në Itali, të cilët janë interesuar për Albert Gudmunsson.
Prezenca e islandezit i ka ndihmuar të besuarit e Alberto Gilardinos, i cili në 36 sfida e ka gjetur 16 herë rrugën e rrjetës.
Sigurisht kjo arritje meriton të merret në konsideratë por sipas specialistit të merkatos Matteo Moretto, ‘’ Azurrët ‘’ i pret një sfidë e ashpër me Juventusin, Interin dhe gjithashtu disa klube të elitës në Premier League.
Duhet shtuar se prioriteti i ishi-t të Az Alkmaar është qëndrimi në një ndër pesë ligat më të rëndësishme të kontinentit të vjetër, një lloj avantazhi si për bardhekaltërit ashtu edhe për ‘’ Zonjën e Vjetër ‘’ dhe zikaltërit.
Tre sezone i janë dashur nordikut për të qenë pjesë e planeve të skuadrave me shumë histori, në kampionatet respektive dhe jo vetëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
