Endrick deklaron të ardhmen

  Duket se transferimi i Endrick Felipes në ‘’ Santiago Bernabeu ‘’ nuk do të jetë edhe aq i lehtë për Real Madridin .

Sipas ‘ Mundodeportivos ‘ , ‘’ Galaktikët ‘’ nuk kanë pranuar të dorëzohen asnjëherë për brazilianin , për të cilin lufton edhe Chelsea me Paris St Germain por sipas mediave vendase  drejtuesit e Palmeiras e kanë refuzuar ofertën prej 20 milionë eurosh të ‘’ Les Pariziens ‘’ për 16 vjeçarin duke i qëndruar besnikë klauzolës për prishjen e kontratës e cila vlerësohet në 60 milionë euro.

Së fundmi Endrick Felipe i shtoi edhe një trofe të rëndësishëm karrierës shumë premtuese pasi fitoi kampionatin me Palmeirasin , sukses që ndoshta do ta ndryshojë rrjedhen e të ardhmes .

Gjatë një interviste në lidhje me këtë histori e cila po komentohet shumë në javet e fundit , ai ka deklaruar :

“ Po mendoj vetëm për Palmeirasin dhe objektivi im është vazhdimi i kësaj rruge . Nuk më interesojnë ofertat por edhe nëse një ditë do të largohem , gjithmonë do të mendoj për këtë skuader ‘’, ishin këto fjalët e Endrick Felipes.

Sipas Fabrizio Romanos babai i sulmuesit menjëherë e ka konfirmuar duke anashakaluar zërat për largimin e mundshëm të tij drejt ‘’ Santiago Bernabeut ‘’ :

‘’ Nuk e kemi vendosur akoma të ardhmen . Endrick është i lumtur tek Palmeirasi dhe do të shikojmë se çfarë do të ndodhë në muajt vijues ‘’ , finalizoi babai i yllit të brazilianëve .

Ekipet e interesuar tashmë e kanë marrë përgjigjen por gjithsesi duhet pritur sepse potenciali i kryeqytetasit ka shokuar çdokënd dhe është e natyrshme që ofertat në drejtim të Palmeirasit të jenë gjithmonë prezente.