Presidenti Ilir Meta ka uruar ekipin e Tiranës, që mbrëmë mori titullin e 25-të në histori, një rekord unik që i konfirmon bardheblutë të parët në futbollin shqiptar.
Meta ka publikuar një video ku uron dhe përshëndet të gjithë tifozët bardhë e blu, me këto pamje fantastike nga festa e mbrëmshme që ndriçoi të gjithë kryeqytetin.
“Shumë urime TIRONËS, ekipit KAMPION dhe të gjithë tifozëve të mrekullueshëm bardhë e blu, të cilët i përshëndes me këto pamje fantastike nga festa e mbrëmshme që ndriçoi të gjithë kryeqytetin.
Titulli KAMPION, plotësisht i merituar, i shton hijeshinë 100-vjetorit të Tironës kryeqytet!
Ashtu siç me të drejtë i madhi Kasem Hallulli e përjetësoi në këngë:
"Tiron Tirona, Ti do të jesh KAMPIONIA”, shkruan Meta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
