Vuajtjeve të gjata të Miralem Pjanic duket sikur iu ka ardhur fundi. Pas Juventusit , Interi bëhet skuadra e dytë që ka shprehur interes për boshnjakun . Rikthimi i mundshëm në Torino tanimë mund të konsiderohet i komplikuar duke qenë se zikaltërit gëzojnë një formë të shkëlqyer sidomos pas Scudettos së 19- të në histori, fakt që mund ti shërbejë të ardhmes se 31 vjeçarit që kërkon medoemos largimin nga ‘’ Camp Nou ‘’.
Bardhezinjtë kanë deklaruar se nuk mund ti ofrojnë mesfushorit 8 milionë euro që përfiton tek Barcelona duke u treguar shumë të kujdesshëm deri sa të rikuperojë rendimentin maksimal .
Nga ana tjetër në ‘’ Giusseppe Meazza ‘’ po përjetohet një situatë e komplikuar në lidhje me rinovimin e Marcelo Brozovic të cilit i skadon kontrata në 2022-shin dhe vijon me mosgjetjen e gjuhës së përbashkët me drejtuesit e italianëve . Gjithçka mbetet pezull dhe sipas As kjo histori mund ta rrezikojë qëndrimin e kroatit tek Interi dhe Miralem Pjanic shikohet si një alternativë e përshtatshme për faktin e njohurive mbi kampionatin italian pasi në të kaluarën shijoi eksperienca të mrekullueshme tek Roma dhe Juventusi .
Kjo situatë evidenton se e ardhmja në Milano ose rikthimi në Torino varen automatikisht nga shitjet e Aaron Ramsey dhe Marcelo Brozovic për të cilët pritet shumë shpejt gjetja e destinacionit .
Largimi nga Katalunja që konsiderohet i mbyllur tashmë është shoqëruar me një sezon ku u aktivizua në 30 takime në të cilat s’mundi ta bindë Ronald Koman për të besuar përsëri në aftësitë e tij .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
