Roma mendon për Cristiano Ronaldon

Fakti se e ardhmja e Cristiano Ronaldos shikohet larg ‘’ Old Trafford ‘’ i ka shtyrë  ekipet me emër të nisin ofensivën për sulmuesin .

Pas Chelseat , një ndër pretendentët kryesorë të ‘’ Cr 7 ‘’ është  Roma e Jose Mourinhos, e cila  ja ka hapur dyert e ‘’ Olimpicos ‘’ .

Sezoni për golashënuesin konsiderohet një ndër më të vështirët pasi me Erik Ten Hag në stol ka hasur shumë pengesa  dhe një lojtar i këtyre niveleve kurrsesi nuk mund të mbetet në prapavijë , pavarësisht moshës .

‘’ Verdhekuqtë ‘’ kanë rikuperuar shumë nga terreni i humbur me ‘’ The Special One ‘’ dhe arritën të thyejnë akullin në sezonin e kaluar me fitimin e Conference Leagues , trofe shumë i rëndësishëm në kontinentin e vjetër.

Luzitani e pati nën urdhërat e tij gjatë eksperiencës tek Real Madridi dhe është i vetëdijshëm për cilësitë e 37 vjeçarit .

Objektivi i Jose Mourinhos është kualifikimi për në Champions League , kompeticioni i preferuar i lojtarit nga Madeira dhe vijimi i rrugës drejt sukseseve.

Fitimi i Scudettos është një ndër objektivat kryesorë të kryeqytetasve, të cilët janë çliruar pas suksesit të sezonit të kaluar dhe me Cristiano Ronaldon në vijën sulmuese, shanset e Romës do të shtoheshin dukshëm . 

Për të luftuar me Juventusin , Interin apo Milanin, kampionin në fuqi të Serisë A duhet të formohet një ekip shumë kompetitiv dhe transferimi i pesë herë fituesit të ‘’ Topit të Artë ‘’ në ‘’ Olimpico ‘’ do të ishte një avantazh për ‘’ Ujqërit ‘’.