Është ndarë sot nga jeta në moshën 76-vjeçare ish-ndihmës trajneri i kombëtares shqiptare në kohën e De Biasi-t Angelo Pereni.
Prej vitesh ai ishte larguar nga sporti për shkak se kishte kërkuar të qëndronte me familjen e tij në shtëpi, pasi ishte i lodhur nga udhëtimet. Madje herën e fundit ai ishte pjesë e Kombëtares shqiptare, por pas dy viteve lajmëroi De Biasi-n se nuk mund të vazhdonte më.
Përveç ish-trajnerit të kombëtares për ndarjen nga jeta të Angelo-s ka shkruar edhe presidenti i FSHF-së Armand Duka, i cili thotë:
Me trishtim të thellë mora lajmin e ndarjes nga jeta të Angelo Perenit, ish-zëvendëstrajner i Kombëtares shqiptare gjatë viteve 2011-2014 kur kjo skuadër drejtohej nga Gianni De Biasi.
Angelo ishte si vetë emri që mbajti, ishte njeri vërtetë i mençur. Bota e futbollit ka humbur shumë. Angelo e donte lojën, por mbi të gjitha i donte shumë futbollistët. Një njeri fantastik. Kanë mbetur shumë pak “të urtë” në botën e futbollit si Angelo.
Ishte një nder për ne të kishim në stafin teknik një njeri me kaq eksperiencë të gjatë në futboll dhe tejet të përgatitur.
Dua t’i shpreh ngushëllimet më të sinqerta familjes së tij, të afërmve dhe miqve të tij për këtë humbje të madhe. U prehtë në paqe!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
