Interi ka pësuar humbjen e parë këtë edicion pas 17 javëve në Serie A. Të besuarit e Luçiano Spallettit u befasuan në “San Siro” nga Udinese, duke u mposhtur me rezultatin 3-1.
Të parët që kaluan në epërsi ishin miqtë me anë të Kevin Lasagna në minutën e 14-të.
Por, gëzimi i Udinezes nuk zgjati shumë pasi vetëm një minutë më vonë bomberi Mauro Icardi barazoi gjithçka.
Në pjesën e dytë bardhezinjtë befasuan vendasit me golat e Rodrigo De Paul në minutën e 60-të dhe Antonin Barak 77-të, duke vulosur në 3-1 rezultatin e përgjithshëm të këtij takimi duke i shkaktuar humbjen e parë zikaltërve.
Pas humbjes së parë në Serie A, Interi vazhdon të mbetet në vendin e parë me 40 pikë, por që mund të zhvendoset në vendin e tretë nëse Napoli dhe Juventusi rrëmbejnë pikët e plota në javën e 17-të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
