Çdo ditë që kalon e ndan edhe më shumë Kylian Mbappen me Paris St Germain . Ylli francez konsiderohet i domosdoshëm për arritjen tek sukseset por vendimi i sulmuesit s’ka kthim prapa dhe Real Madridi vijon të buzëqeshë.
Këtë fakt kampioni i botës në fuqi e ka konfirmuar me refuzimin e ofertës së rradhës nga Nasser Al Khelaifi duke lënë për të kuptuar se 30 qershori është afër dhe presidenti i ‘’ Les Pariziens ‘’ duhet të përgatitet për largimin e perlës së ofensivës nga ‘’ Parque de Prince ‘’.
Sipas Mario Corteganas , gazetar i të famshmes ‘ Marca ‘ , Kylian Mbappe ka refuzuar një pagë stratosferike prej 90 milionë eurosh në sezon duke i vënë praktikisht vulën kësaj çështje nga e cila ‘’ Galaktikët ‘’ do të përfitojnë me parametër zero pa përfshirë pagën vjetore të talentit të kombëtares ‘ Trikolor ‘.
Dëshpërimi është ulur këmbëkryq tek parizienët të cilëve pothuajse i është prishur çdo plan dhe kanë kërkuar mbështetjen e presidentit Emmanuel Macron për ta bindur të qëndrojë golashënuesin edhe pse kështu si kanë vijuar gjërat , të pakta janë shanset që gjigandët e Ligue 1 ta arrijnë objektivin .
Në kampin tjetër , duke filluar nga sezoni i ardhshëm ‘’ Los Blancos ‘’ do të shijojnë prezencën e një lojtari si pak të tjerë , të cilit i janë hapur dyert e ‘’ Santiago Bernabeut ‘’ për të filluar një tjetër etapë në kushtet e një të privilegjuari .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
