Fakti i të qënit fare pranë largimit nga ‘’ Old Trafford ‘’ në merkaton e verës e ka bërë më të fortë mesfushorin Donny Van de Beek i cili është mbështetur fuqishëm nga drejtuesit e ‘’ Djajëve të Kuq ‘’ me në krye trainerin Ole Gunnar Solskjaer .
Duke iu referuar kësaj situate e cila ka ndryshuar totalisht në krahasim me javët e shkuara 24 vjeçari është shprehur kështu :
“ Kemi folur në lidhje me këtë çështje dhe kërkuan qëndrimin tim . Ole Gunnar më shprehu mbështetjen duke më thënë : “ Dua që të qëndrosh këtu ‘’ . Më tej shtoi : “ Fillimi i sezonit ishte shumë i vështirë sepse nuk kisha mundësinë e aktivizimit por me kalimin e kohës gjërat kanë ndryshuar dhe traineri ma ka shprehur këtë fakt dhe besoj se gjërat do të funksionojnë ndryshe në javët vijuese “ , përfundoi ishi i Ajax Amsterdamit .
Duhet kujtuar se Donny Van de Beek u transferua nga hollandezët në ‘’ Pallatin e Endërrave ‘’ verën e kaluar për shifrën e 40 milionë eurove por eksperienca e deritanishme me gjigandët e Anglisë nuk i ka përmbushur pritshmëritë sepse është aktivizuar në të shumtat e rasteve si zëvëndësues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
