U përplas me kundërshtarin, portieri ndërron jetë në moshën 23-vjeçare

Portieri Alexander Shishmarev ka ndërruar jetë në moshën 23-vjeçare pas një përplasje të pasuar në fushë.

Gjatë miqësores mes Baltika-M dhe Krasnaya Zvezda, portieri i këtyre të fundit, Shishmarev pësoi një dëmtim të rëndë, pas një përplasje që kishte me një prej lojtarëve kundërshtar.

Pas kësaj, portieri 23-vjeçar pësoi një kolaps, duke u rrëzuar në fushë. Pavarësisht ndërhyrjes së mjekëve, të cilët u përpoqën për një orë, nuk ia dolën t’i shpëtojnë dot jetën futbollistit.

Shkak për ndarjen nga jeta të Shishmarev ishte futja e gjuhës, e cila i bllokoi rrugët e frymëmarrjes.