Juventusi negocion për Felipe Anderson

Paraqijet shumë të mira të Felipe Anderson me Lazion prej disa sezonesh me rradhë, ndoshta do të pasohen me ndërrimin e ambjentit në merkaton verore.

Braziliani e përfundon kontratën me kryeqytetasit në fundin e sezonit, arsye e mjaftueshme për Juventusin, skuadër e cila do të tentojë të përfitojë shërbimet e tij.

Sipas ekspertit Fabrizio Romano, drejtuesit e ‘’ Zonjës së Vjetër ‘’ po avancojnë në lidhje me negociatat për një lojtar shumë të rëndësishëm të bardhekaltërve.

30 vjeçari konsiderohet tejet i rrezikshëm në metrat e fundit, efikas në shumicën e rasteve në duelet një kundra një , i cili krijon shumë mundësi për shokët e skuadrës për të arritur tek goli.

Për ish rekordmenët e Scudettos , transferimi i Felipe Anderson me parametër zero do të përbënte një sukses, duke ditur se gjatë merkatove , vlera e kartonit të lojtarëve cilësorë rezulton në të shumtat e rasteve e papërballueshme.

Një avantazh për ishi-n e Santosit nëse do të bëhet pjesë e torinezëve , është se i njeh mjaft mirë për arsye të përballjeve në të kaluarën dhe për më tepër kalimi në ‘’ Allianz Stadium ‘’ do të ishte një privilegj.