Skënderbeu ka prezantuar dy afrimet e radhës në merkato, një ditë para ndeshjes hapëse të kampionatit ndaj Egnatias.
Bëhet fjalë për portierin Marco Alia dhe mbrojtësin Andrea Gerco. Të dy këta futbollistë vijnë nga Italia, me portierin që ishte pjesë e të rinjve të Lazios dhe më pas te Monterosi në Serie C.
Edhe Gerco vjen nga Serie C në Itali, aty ku për herë të fundit luajti me fanellën e Fermana dhe do të provojë aventurën e parë në Shqipëri.
Postimi i klubit:
Marco Alia dhe Andrea Gerco zyrtarisht bardhekuq.
Portieri dhe anësori vijnë të dy nga futbolli italian. Ata kanë firmosur kontratat që i bashkojnë për 3 vitet e ardhshme me Skënderbeun. Suksese djema!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
