Shqipëria U21, dështoi ndaj Zvicrës në shtëpi, në ndeshjen e vlefshme për kualifikueset e Europianit për këtë grupmoshë.
Kuqezinjtë e drejtuar nga trajneri Alban Bushi, u mposhtën në “Air Albania” me rezultatin 1-3.
Pjesa e parë u mbyll me avantazhin 1-0 të miqve, pas dominimit absolut. Në minutën e 54-t, Pajaziti pretendoi për penallti, por arbitri vazhdoi lojën dhe 5 minuta më vonë, Zvicra shënoi të dytin me Sanchez.
Në minutën e 76-të, helvetët shënuan edhe të tretin, duke përfituar nga një përgjumje në mbrojtjen kuqezi.
Golin e vetëm për Shqipërinë e shënoi Shpendi në minutat e fundit, por kishte vetëm vlerë statistikore.
Pas kësaj disfate, kuqezinjtë bien në vendin e katërt me 10 pikë ndërsa Zvicra ngjitet në krye me 14 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
