Nga 1 janari i 2023-shit e ardhmja e Cristiano Ronaldos do të ndryshojë .
Portugezi e ka arritur marrëveshjen me Al- Nassr për dy vite e gjysëm dhe do të provojë veten në Arabinë Saudite , një kampionat i cili as që ka të krahasuar me ato ku ka luajtur në të kaluarën por shifra strastoferike që do të përfitojë e ka bindur.
Sipas ‘ Marcas ‘, në xhepat e golashënuesit do të kalojnë mbi 200 milionë euro në sezon, kontratë e cila do ta shëndërronte në futbollistin më të paguar në botë.
Pas eksperiencave me ekipe si Manchester United , Real Madridi apo Juventusi , ‘’ Cr7 ‘’ do të jetë në qendër të vëmëndjes dhe shifra e lartpërmendur është për të fryti i një punë të jashtëzakonshme ndër vite , e cila e ka pozicionuar në një ndër lojtarët më të mirë të të gjitha kohërave ishi-n e Sporting Lisbonës.
Duhet parë se si do të vijojë karriera e asit nga Madeira në një futboll ndryshe por që e ka rritur cilësinë në vitet e fundit dhe konsiderohet një destinacion për shumë lojtarë për arsye të aspektit ekonomik.
Duke njohur mentalitetin e 37 vjeçarit arrihet në konkluzionin se do të jetë një protagonist absolut dhe determinant gjatë ndeshjeve , virtyt që e ka shëndërruar në një bomber si pak të tjerë në sportin më të ndjekur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
