Tratativat e shumta në merkato nuk ia kanë ndryshuar destinacionin mesfushorit Joao Felix . Pistat ishin disa , ndër të cilat mendohej shkëmbimi me Antoine Griezmann për ti dhënë shansin portugezit të provojë veten tek Barcelona por duket se ‘’ Los Colchoneros ‘’ nuk e kanë menduar asnjëherë largimin e 21 vjeçarit nga ‘’ Wanda Metropolitano ‘’.
Drejtuesit e spanjollëve me në krye teknikun Diego Simeone nuk e kanë diskutuar potencialin e Joao Felix duke e konsideruar pjesë të së ardhmes së kryeqytetasve .
Lajmi është deklaruar nga gazetari i njohur italian Fabrizio Di Romano i cili e shpreh shumë qartë se ishi i Benficas konsiderohet i paprekshëm nga argjentinasi i cili është i ndërgjegjshëm se më e mira do të vijë për nxënësin e tij .
Pa dyshim se karakteristikat e lojës së Joao Felix janë një vlerë e shtuar për ‘’ Los Rojiblancos ‘’ të cilët do të kërkojnë të përsërisin suksesin e sezonit të kaluar dhe pse jo mos ta zgjerojnë atë.
Dëmtimet e pësuara se fundmi të shoqëruara me ndryshimet e shpeshta taktike kanë ndikuar paksa në rendimentin e Joao Felix por me mbështetjen e një ndër trainerëve më të mirë ecuria e luzitanit me siguri do të ketë të tjera rezultate gjatë sezonit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
