Duket se e ardhmja e Erling Haaland është zgjidhur tashmë . Sipas britanikes ‘ Daily Mail ‘ , norvegjezi do të mbrojë ngjyrat e Manchester City-t duke filluar nga sezoni i ardhshëm .
Kontrata që do të firmoset nga golashënuesi do të jetë e vlefshme deri në 2027-tën kundrejt 30 milionë eurove e cila do ta shëndërrojë në një ndër më të paguarit e Premier Leagues .
Më në fund ‘’ The Citiziens ‘’ duket se kanë qëlluar në shenjë me bomberin nordik i cili s’di të ndalet në çdo sfidë duke i siguruar kështu Borussia Dortmundit tre piksha me shumë vlerë .
Por shpenzimet e sheikëve s’do të mbarojnë me kaq sepse do ti paguajnë ‘’ Verdhezinjve ‘’ edhe 75 milionë euro të cilat i korrespondojnë klauzolës për prishjen e kontratës .
Tërheqja e parakohshme e Sergio Agueros nga futbolli e detyroi Pep Guardiolan të kërkojë një zëvëndësues dhe kush më mirë se Erling Haaland mund ta mbushë boshllëkun që do të lërë argjentinasi i cili do të kujtohet gjatë tek Manchester City për kontributin e dhënë ndër vite.
Një fakt tjetër shumë i rëndësishëm është se ylli i futbollit modern do të vijojë hapat e babait të tij i cili në të kaluarën u aktivizua me ishullorët të cilët tashmë do të kenë më tepër shanse për të fituar Champions Leaguen , trofe që ëndërrohet prej shumë sezonesh por i famshmi ‘’ Pep ‘’ s’ka arritur ta fitojë pavarësisht të paturit në dispozicion një ekip të mbushur me yje.
28 gola në 29 sfida janë përmbledhja e këtij sezoni për Erling Haaland, për të cilin mendohej se e ardhmja do të ishte tek një ekip i elitës dhe privilegji në këtë rast do të jetë për të dyja palët.
Në këtë luftë të gjatë dhe me shumë emocione , drejtuesit e Manchester City-t janë treguar më të shkathët se Barcelona dhe Real Madridi dhe tashmë është një hap larg firmosjes me një ndër risitë e kontinentit të vjetër , lojtar i rrallë në botën e futbollit.
Për të dytin sezon rradhazi anglezët janë afër fitimit të Premier Leagues dhe do ta nisin vijuesin me objektivin primar i cili mbetet Champions League dhe me Pep Guardiolan në stol , gjithçka është e mundur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
