Përpjekjet e drejtuesve të Real Madridit për tu përforcuar në çdo repart vijojnë. ‘’ Galaktikët ‘’ kanë patur jo pak probleme në sezonin aktual dhe fokusi tashmë është tek mesfusha.
Në orët e fundit një tjetër emër ka nisur të qarkullojë në zyrat e ‘’ Santiago Bernabeut ‘’ dhe flitet për Antonio Blancon.
Spanjolli është rritur tek akademia e madrilenëve i cili ka lënë gjurmë dhe spikat sidomos për rikuperimin e topave, mirëvendosjen gjatë sfidave dhe mënyrën se si e interpreton lojën.
Problemet e theksuara në mesfushë e bëjnë të domosdoshme blerjen e të tjerë elementëve gjatë merkatos së verës, determinante për çdo ekip.
Eksperienca në La Liga i ka shërbyer për ti ngjitur shkallët drejt suksesit dhe tashmë sakrificat e bëra janë shpërblyer me interesin e ish fituesve të Champions Leagues.
Të jesh pjesë e ‘’ Los Merengues ‘’ do të thotë që të masësh forcat me lojtarët më të mirë në botë dhe gjithashtu të tregosh veten në kompeticionet më të rëndësishme në kontinentin e vjetër.
Antonio Blanco deri më tani numëron 23 sfida dhe 1 gol me këtë ekip, i cili mund të jetë shumë shpejt pjesë e ‘’ Los Blancos ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
