Bruno Fernandes rinovon me Manchester United

Pavarësisht disfatave , Manchester United më në fund ka arritur të buzëqeshë sepse ka akorduar rinovimin me Bruno Fernandes , lojtar i domosdoshëm për të ardhmen .

Portugezi arriti ta gjejë gjuhën e përbashkët me ‘’ Djajtë e Kuq ‘’ pas disa javëve negociatash intensive dhe thuhet se do të jetë lideri i ardhshëm në ‘’ Pallatin e Endërrave ‘’ pavarësisht qëndrimit ose jo të Cristiano Ronaldos .

Ishi i Sportingut  do të përfitojë dyfishin e rrogës së mëparshme , pra 240 mijë stërlina në javë që do ta rendisin si i treti më i paguar pas ‘’ Cr7 ‘’ dhe David De Geas .

Ky hap parashikohej sepse Bruno Fernandes ka dhënë një kontribut të vyer tek anglezët pa çka se nuk kanë mundur të bëjnë shumë gjatë këtij sezoni , ku fillimisht  humbën shpresat për fitimin e Premier Leagues dhe së dyti u eleminuan nga Champions League në shtëpi nga Atletico Madridi.

Sigurisht mbi rinovimin 27 vjeçari është shprehur shumë i lumtur dhe është tejet i motivuar për të dhënë maksimumin për Manchester United :

“ Jam rritur duke e ndjekur këtë skuadër dhe endërroja të bëhesha  pjesë e saj “ , theksoi Bruno Fernandes pas firmosjes  deri në 2026-tën.

Duke iu referuar të ardhmes , talenti luzitan theksoi se më e mira është rrugës dhe beson se me kontributin e të gjithë lojtarëve do ta çojnë Manchester United përpara :

“ Kemi mësuar shumë nga gabimet dhe kjo është një mundësi shumë e mirë për të avancuar  . Përfaqësojmë një ekip me shumë traditë dhe histori dhe duhet të ndihemi krenarë për këtë fakt “ , përfundoi ishi i Udineses .

Proçesi i rindërtimit vijon me sukses për 20 herë kampionët e Premier Leagues të cilët i presin sfida shumë interesante dhe me një koefiçent të lartë vështirësie por eksperienca dhe uria për sukses mund të rezultojnë faktorë determinantë për të besuarit e Ralf Rangnick që synojnë ta ngrejnë një herë e mirë kokën dhe ta shëndërrojnë Manchesterin në rivalin e dikurshëm që trembte çdo rival.