Lazio vazhdon të zhgënjejë në këtë rikthim të kampionatit, teksa ditën e sotme nuk shkoi më shumë se barazimi 2-2 në shtëpi ndaj Empolit.
Bardhekaltrit e nisën mirë ndeshjen, dukë kaluar në avantazh të dy golave, me Felipe Anderson në minutën e 2-të dhe Zaccagni në minutën e 54-t.
Me këtë avantazh, lacialët e menduan të fituar ndeshjen, por miqtë nuk kishin thënë fjalën e fundit, ndërsa ia dolën të barazojnë shifrat. Empoli fillimisht shënoi me Caputo në minutën e 83-të, ndërsa 10 minuta më vonë, ishte Marin që vendosi baraspeshën dhe rezultati nuk ndryshoi deri në fund.
Në ndeshjen tjetër, Spezia dhe Lecce ndanë pikët, në një barazim pa gola, ndërsa në barazim u mbyll edhe sfida tjetër e luajtur më herët, mes Salernitanës dhe Torinos.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
