Përveç afrimeve, te Dinamo mendojnë edhe për rinovimet me lojtarët që kanë spikatur gjatë kohës që kanë qenë pjesë e bluve.
Ditën e sotme klubi kryeqytetas ka njoftuar rinovimin e kontratës me mbrojtësin Endri Reçi. 21-vjeçari shihet si një futbollist që premton për të ardhmen dhe për këtë arsye, drejtuesit kanë vendosur të zgjasin bashkëpunimin me të.
“Endri Reçi vijon kontratën me blutë. Ditën e sotme ka nënshkruar kontratën me Dinamon një tjetër futbollist premtues i cili do të vazhdojë të jetë pjesë e bluve për sezonin e ri futbollistik. 21-vjeçari ishte pjesë e skuadrës gjatë dy sezoneve të fundit duke fituar besimin e stafit teknik për vazhdimësinë”, thuhet në komunikatën e Dinamos.
Kujtojmë se dy ditë më parë, Dinamo zyrtarizoi rinovimin edhe me futbollistin tjetër 21-vjeçar, Xhoel Plaku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
