Parashikohet se eksperienca e Karim Benzemas në Arabinë Saudite është drejt fundit.
Francezi prej tre sezonesh është pjesë e Al- Ittihadit por sigurisht shkëlqimi në të kaluarën gjithmonë është marrë në konsideratë nga disa ekipe.
Së fundmi drejtuesit e Lyonit kanë menduar për 37 vjeçarin, i cili ka zhvilluar një karrierë të suksesshme.
Prej disa javësh flitet për rikthimin e bomberit në Europe, aty ku filloi të spikasë, pikërisht tek ‘’ Les Gones ‘’.
Sipas ‘ Foot Mercato ‘, presidenti Michele Kang do të japë maksimumin për të siguruar shërbimet e ishi-t të Real Madridit, një ndër sulmuesit më cilësorë ndër vite.
Eksperienca e akumuluar, shtuar edhe ndjesinë për ekipin e zemrës natyrisht besohet se do ta bëjnë edhe më të lehtë rikthimin në ‘’ Parkun Olimpik ‘’ dhe flitet se numri një i Lyonit do ti ofrojë një kontratë për një sezon e gjysëm.
Duke iu referuar potencialit të Karim Benzemas, ky i fundit ka deklaruar se disa ekipe e kanë pretenduar por duhet patur parasysh edhe fakti se Ligue 1 konsiderohet një ndër më kompetitivet në kontinentin e vjetër dhe dyshimet mbi rendimentin janë prezente.
Të qënit një lojtar ambicioz dhe ashtu siç quhet në gjuhën e futbollit një sulmues rrace ia lartësojnë vlerat, i cili duhet të marrë një vendim gjatë merkatos së dimrit.
Në sezonin aktual me arabët ka kontribuar me 5 gola në 8 sfida, statistika që tregojnë se përpara portës është tejet i rrezikshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
