Duke qenë se Robert Lewandowski është drejt fundit të karrierës, drejtuesit e Barcelonës do të kërkojnë ti paraprijnë këtij fakti gjatë merkatos vijuese , të cilët po shqyrtojnë disa alternativa për ta zëvëndësuar polakun.
Listës së ‘’ Blaugranëve ‘’ i është bashkuar Julian Alvarez, shumë i rëndësishëm në skemat e Pep Guardiolas por problemi për spanjollët në këtë rast mund të jetë vlera e kartonit të argjentinasit, duke qenë se konsiderohet një ndër më të mirët në ofensivën e Manchester City-t.
Për 23 vjeçarin do të zhvillohet një tjetër ‘ Superclasico ‘ pasi dhe Real Madridi vijon të shpresojë se një ditë ishi i River Plates do të transferohet në ‘’ Santiago Bernabeu ‘’.
Në lidhje me sezonin aktual , lojtari i lindur në Kordoba e ka shpërblyer besimin e të famshmit ‘ Pep ‘ me 6 gola dhe 4 asiste në 12 sfida por parashikohet një rezistencë nga ishullorët , të cilët në këtë rast do të shmangnin edhe përforcimin e një rivali të mundshëm në Champions League në të ardhmen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
