Mungesa e rezultateve në sezonin aktual i ka dhënë fund etapës së Thiago Mottas në stolin e Juventusit.
Ish mesfushori zhvilloi një sezon impresionues me Bolognan duke e kualifikuar për në Champions League por sigurisht historia tek ‘’ Zonja e Vjetër ‘’ ka rezultuar ndryshe.
Tashmë drejtuesit e bardhezinjve kanë menduar për Igor Tudor si trainer i përkohshëm, të paktën deri në fundin e sezonit aktual.
Megjithatë, referuar vijimësisë torinezët po analizojnë disa opsione për të rikuperuar terrenin e humbur, në çdo kompeticion.
Antonio Conte është i preferuari, potenciali i të cilit nuk mund të vihet në diskutim.
Traineri nga Lecce la gjurmë tek ish rekordmenët e Serisë A në të shkuarën por gjithsesi në listë janë të përfshirë edhe të tjerë emra, të cilët ende nuk janë bërë me dije.
Njohuria e 55 vjeçarit për kampionatin italian dhe jo vetëm sigurisht mund të jetë çelësi i suksesit për Juventusin në të ardhmen e afërt, gjithmonë nëse do të rikthehet në shtëpinë e vjetër.
Por, duhet theksuar se kontrata e firmosur me Napolin mund të jetë pengesë për arritjen e marrëveshjes, ekip që po lufton për ta ndryshuar përsëri historinë në një ndër kampionatet më të rëndësishëm të kontinentit të vjetër.
Eksperienca mbi supe i ka dhënë shansin për të lënë gjurmë në çdo skuadër dhe do të mbahet mend gjatë për fitimin e kampionatit me Interin, vit kur uli nga froni Juventusin pas nëntë titujsh rradhazi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
