Duke folur për “Rai Sport”, agjenti i Gianluigi Donnarumma, Mino Raiola u shpreh se portieri mund të ishte larguar nga Milani edhe para 4 viteve, por nuk e bëri këtë, duke thënë se nuk e kupton pse te Milani këtë largim të tij e quajnë si tradhti.
Raiola foli edhe për Paul Pogba, duke thënë se ekziston mundësia që mesfushori të rikthehet te Juventusi.
“Më vjen keq për mënyrën se si u trajtua Donnarumma. AI bëri zgjedhjen e jetës, nuk kishte tradhti aty. Mund të ishte larguar edhe para katër vitesh, por nuk e bëri. Unë mendoj se te Juventusi kanë keqardhje që nuk e morën atë. Nuk ka luftë mes Donnarumma dhe Navas te PSG. Gigio do të luajë.
Kontrata e Pogba me United skadon vitin e ardhshëm. Ne do të flasim me klubin anglez dhe më pas të shohim. Torino ka ngelur në zemrën e tij me siguri. Ekziston një mundësi që ai të kthehet te Juventusi, por kjo varet edhe nga bardhezinjtë”, tha Raiola.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
