Ferran Torres mund të quhet një lojtar i Barcelonës tani. Konfirmimi ka ardhur nga trajneri i Manchester City, Pep Guardiola, i cili në konferencë ditën e sotme tha se futbollisti spanjoll do të jetë pjesë e katalanasve.
Torres shkëlqeu në La Liga me Valencian deri 1 vit më parë, kur më pas kaloi te Mancheser City. Te këta të fundit, 21-vjeçari nuk ka arritur të tregojë të gjitha aftësitë e tij dhe tashmë ka vendosur të largohet.
“Ferran është nga Spanja, Barcelona e dëshiron atë, ai tha se dëshiron të largohet, unë thashë që mund të largohet. Telefonova Txiki Begeristan, agjenti i tij bëri një marrëveshje dhe ai po largohet. Unë dua që lojtarët të jenë të lumtur”, ka thënë Guardiola.
Largimi i ishi-t të Valencias nga ishulloret pritet t’i rezultojë i kripur ‘’ Blaugranëve ‘’ të cilët janë të gatshëm të paguajnë afërsisht 65 milionë euro për sulmuesin e talentuar . Aktualisht Ferran Torres përfiton 3.7 milionë euro tek Manchester City por protagonizmi i reduktuar ne skemat e trajnerit nga Sanpedor nuk i lë shteg tjetër veçse të nisë një tjetër aventurë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
