E ardhmja e Mbappes përsëri në dyshim

Disfata e pësuar mbrëmjen e djeshme përballë Bayern Munchenit në ‘’ Allianz Arena ‘’ përsëri e la jashtë Champions Leagues Paris St Germain.

Pavarësisht se francezët janë një ekip i përbërë nga yje , kryesisht Mbappe , Messi apo Neymar , koha ka treguar se eksperienca e bën diferencën dhe gjermanët rikonfirmuan këtë fakt.

Eleminimi i ‘’ Les Pariziens ‘’ sigurisht do të ketë prapaskena , një ndër të cilat është edhe e ardhmja e sulmuesit në ‘’ Parque de Prince ‘’ e cila tanimë është vënë në pikpyetje.

Gjatë një interviste në lidhje me vijimësinë , 24 vjeçari ka deklaruar :

“ Tani mendoj vetëm për fitimin e kampionatit  . Jam i përqëndruar tek ky sezon dhe më pas do të marr një vendim “ , ishin këto fjalët e ishi-t të Monacos, të cilit i është ofruar zgjatja e kontratës deri në 30 qershorin e 2025-sës.

Si gjithmonë pas dere qëndron Real Madridi, pasi Kylian Mbappe mbetet një ndër objektivat kryesorë të Florentino Perezit që në kohën kur aktivizohej në rradhët e monegaskëve.

Nëse kuq e blutë nuk do ta arrijnë objektivin , ylli i fituesve në fuqi të Ligue 1 mund të largohet me parametër zero në verën e ardhshme , situatë e cila do të konsiderohej e pafalshme për Paris St Germain.