Arbin Zejnullai, i cili në të kaluarën ka luajtur për Shqipërinë U-21, ditën e sotme është larguar nga Shkëndija e Tetovës. Ka qenë vetë klubi kuqezi, që ka njoftuar mbylljen e bashkëpunimit me mesfushorin.
Ka qenë vetë Zejnullai që ka kërkuar të largohet dhe te Shkëndija kanë pranuar, duke ndërprerë kontratën. Tashmë futbollisti është i lirë dhe po kërkon për një skuadër të re.
“KF Shkëndija komunikon ndërprerjen e bashkëpunimit me Arbin Zejnullain. Klubi dhe mesfushori me marrëveshje të dyanshme kanë vendosur të ndajnë rrugët, duke respektuar dëshirën e futbollistit për të kërkuar mjedis ku do të ketë më shumë hapësira për lojë. Me këtë rast, të gjithë në KF Shkëndija falënderojnë Arbin Zejnullain për kontributin e dhënë në fanellën kuqezi, duke i uruar shëndet dhe shumë suksese në vazhdim të karrierës”, thuhet në komunikatën e kampionëve të Maqedonisë së Veriut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
