Edhe pse koha ka kaluar shumë shpejt, e ardhmja e Joao Cancelos ende nuk është zgjidhur.
Kartoni i portugezit është në pronësi të Manchester City-t por negociatat për qëndrimin në ‘’ Camp Nou ‘’ nuk kanë vijuar me sukses .
Traineri i ri Hansi Flick pretendon ta ketë pjesë të ekipit për të ardhmen por pretendimi i drejtuesve të ‘’ Qytetarëve ‘’ konsiderohet i ekzagjeruar nga spanjollët.
Sipas ‘ Marcas’ , bardhekaltërit kanë përcaktuar afro 30 milionë euro për ta lënë të lirë luzitanin, shifër që aktualisht xhepat e Joan Laportas nuk mund ta përballojnë.
Megjithatë, ish fituesit e Champions Leagues duan ti bëjnë një favor Barcelonës, i cili lidhet me zgjatjen e huazimit edhe për një sezon tjetër, të shoqëruar me blerjen e detyrueshme të kartonit të ishi-t të Valencias për të njëjtën shifër.
Pep Guardiola po e pret për fazën përgatitore por ndërkohe 30 vjeçari pretendon të vijojë eksperiencën në Katalunjë.
Anglezët natyrisht do të këmbngulin deri në fund për arritjen e objektivit, pavarësisht situatës jo të mirë të Barcelonës në aspektin ekonomik.
Në sezonin e kaluar Joao Cancelo zhvilloi 42 sfida, të shoqëruara me 4 gola dhe 5 asiste, e ardhmja e të cilit mund të ndryshojë nga momenti në moment.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
