Trajneri i Egnatias, Edlir Tetova, foli për MCN TV, pas fitores që skuadra e tij mori ndaj Kukësit.
Tetova deklaroi se përveç momenteve të mira, nuk i pëlqeu tërheqja e skuadrës pas golit të 3-0.
Siç ishin gjërat e mira, kishte edhe kurba loja. Lëshuam pak terren pas 3-0 dhe nuk më pëlqeu. Me ndryshimet që kemi pasur, është e kuptueshme. Nuk më pëlqeu tërheqja e ekipit dhe lufta në një kundër një, në 15 minutat e fundit të pjesës së parë.
Në pushim të lojës, fola vetëm për ato momentet e fundit, kur nuk ishim aty ku duhej.
Aleksi dhe Malota, janë lojtarë të rëndësishëm të ekipit. U bë kohë e gjatë që janë në formacion. Rrugëdaljet nisin nga poshtë. Lojtarët që ishin me Skënderbeun, nuk kishin qarkullimin e topit siç duhej.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
