Zbarkimi i trajnerit Skënder Gega te skuadra e Skënderbeut ka sjellë një impakt pozitiv teksa në dy ndeshjet ndaj Laçit dhe Kukësit, juglindorët kanë siguruar dy pikë duke shmangur humbjen. Megjithatë ajo që i intereson në këto momente korçarëve, është vetëm fitorja dhe kjo ka munguar.
Dueli ndaj Kukësit bëri me dhimbje koke trajnerin Gega, i cili nuk do të ketë alternativat e duhura për sfidën e javës së ardhshme në kampionat ndaj Teutës. Frashëri dhe Randy nuk do të jenë në dispozicion të skuadrës ndaj kampionëve në fuqi të Shqipërisë për shkak se kanë plotësuar numrin e kartonëve të verdhë.
Tashmë fokusi është zhvendosur tek rikuperimet e Meksit dhe Mensah. Rikuperimi i qendërsulmuesit duket i pamundur për tu arritur dhe kjo përkthehet në një mungesë të madhe për sfidën me bregdetarët. Skënderbeu mbaj vendin e fundit në renditje në kuotën e 19 pikëve, plot 8 pikë larg zonës “play out”. Presioni është në rritje në radhët e të besuarve të trajnerit Gega.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
