Trajneri i Tiranës, Erbim Fagu, foli për MCN TV, pas ndeshjes së fituar 3-2 ndaj Dinamos.
Sipas tij, bardheblutë e merituan fitoren, ndërsa shtoi se 2 golat e barazimit erdhën pas dy gabimeve.
Dua të komplimentoj lojtarët për sot. Rezultati 2-0 është i rrezikshëm pasi futesh në tension nëse pëson. Dy gabime dhe na barazuan. Megjithatë reaguam shpejt duke bërë golin e tretë. Ishte një fitore e merituar. Nuk u tërhoqëm pas barazimit, ashtu vjen loja vetë, nuk u dhashë unë udhëzim.
Ishte zgjedhje taktike, ndryshuam rreshtimin. U fut Njadovski dhe ishim me 3 mbrojtës.
E kisha studiuar Dinamon dhe duke parë Kaçorrin që luan me shpinë nga porta, Mici ishte zgjidhja më e mirë e mundshme, ka eksperiencë. Rezultoi me sukses.
Pauza na shërben pasi lojtarët kanë qenë të ngarkuar. Na bën shumë mirë, vjen në momentin e duhur.
Objektivi jonë është ndeshja e radhës me Teutën dhe Skënderbeu që duhet ta kalojmë në renditje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
