Partizani duket se nuk ka ndërmend të ndalet në merkato, teksa ditën e sotme ka prezantuar afrimin e një tjetër lojtari.
Klubi i kuq ka njoftuar arritjen e marrëveshjes me talentin vlonjat, Arinaldo Rrapaj. Ky i fundit në sezonin që lamë pas, ishte pjesë e Skënderbeut, me të cilët i bashkua në merkaton e verës së kaluar. 19-vjeçari ka qenë një dëshirë e trajnerit Daja që 1 vit më parë, por për shkak të merkatos së bllokuar, Partizani nuk ia doli ta marrë dot. Mesfushori stërvitej prej ditësh me të kuqtë nën urdhrat e trajnerit Daja, por vetëm ditën e sotme ka ardhur zyrtarizimi nga klubi kryeqytetas. Rrapaj ka firmosur me Partizanin për 3 sezone.
“FK Partizani zyrtarizon arritjen e marrëveshjes për blerjen e kartonit të lojtarit Arinaldo Rrapaj. Mesfushori 19 vjeçar ka nënshkruar me të kuqtë një kontratë tre vjeçare me opsion rinovimi edhe për një tjetër sezon. Rrapaj i cili në kampionatin tonë është aktivizuar më parë me Flamurtarin dhe Skënderbeun është bashkuar në stërvitje me skuadrën në Ohër.”, thuhet në komunikatën e klubit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
