Dihet se prej vitesh tek Arsenali i është dhënë një rëndësi e veçantë transferimit të talentëve.
Drejtuesit vijojnë të punojnë me shumë përkushtim për t’ia plotësuar dëshirat Mikel Artetas, i cili po bën një punë për tu duatrokitur nën drejtimin e ‘’ Topchinjve ‘’.
Javët e fundit është përqëndruar vëmëndja tek një element i cili po bën mirë në Ligue 1, në rradhët e Lilles.
Ayyoub Bouaddi është shëndërruar në një ndër risitë e kampionatit francez, ashtu siç e raporton edhe ‘ Transfers News Live ‘.
17 vjeçari ka ditur të demostrojë potencialin dhe ia ka dalë me sukses në çdo sfidë, i cili e ka mahnitur Mikel Artetan.
Mesfushori pretendohet edhe nga të tjerë ekipe në kontinentin e vjetër dhe besohet se gjatë merkatos së ardhshme dimërore do të zhvillohet një sfidë gjigandësh për shërbimet e tij.
Ndërkohë, presidenti i ‘’ Les Dogues ‘’, i ndërgjegjshëm për potencialin e Ayyoub Bouaddit do të tentojë të përfitojë maksimalisht, duke qenë se bëhet fjalë për 13 herë kampionët e Premier Leagues, një klub tejet potent në aspektin ekonomik dhe cilësor në atë sportiv.
Nëse do të vijojë me këtë ritëm sigurisht parashikohet zgjerimi i listës së pretendentëve për nxënësin e Bruno Genesios, i cili vijon të spikasë në një ndër pesë ligat më të forta të Europës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
