“Dorëzohet” trajneri i Milanit, Pioli: Lufta për titullin ka mbaruar

Trajneri i Milanit, Stefano Pioli, deklaroi se lufta për titullin është mbyllur. Sipas tij, Interi e ka të sigurt trofeun, pas formës së treguar.

I pyetur mbi mundësinë, që Interi të sigurojë titullin matematikisht në derbi ndaj Milanit, Pioli tha se nuk mendon për këtë, pasi ka ende kohë.

Interi është në një udhëtim të jashtëzakonshëm me kaq shumë fitore. Ata patën një kalendar të vështirë kur iu desh të sfidonin Fiorentinën, Romën dhe Juventusin në të njëjtën javë. Duke i kapërcyer ato ndeshje me sukses, mendoj mbaroi edhe lufta për titullin.

Interi feston titullin në derbi? 21 prilli është shumë larg, ne kemi ende shumë objektiva dhe shumë sfida.

Sa i përket renditjes, pas 26 javëve, Interi kryeson bindshëm me 69 pikë, 12 më shumë se Juventusi i vendit të dytë dhe 16 më shumë se Milani i vendit të tretë.