Pak “paqe” për Elseid Hysajn. Ky i fundit është përballur me një situatë të ndërlikuar në nisje të aventurës së tij te Lazio, për shkak se ultrasit i kanë dalë kundër pas këngës “Bella Ciao” që këndoi gjatë prezantimit.
Megjithatë situata duket se po shkon drejt ndryshimit dhe këtë e tregon një gjest i tifozëve të Lazios, i bërë ditën e sotme.
Jashtë stadiumit “Olimpico” të Lazios, është shpalosur një banderolë, në të cilën shkruhet: “Daje Hysaj” (Forca Hysaj). Kjo tregon se mbrojtësi i Shqipërisë ka mbështetjen e një pjese të madhe të tifozerisë laciale, të cilët reaguan ashpër ndaj ultrasve në rrjetet sociale.
Hysaj gjithashtu gjeti edhe rrugën e rrjetës në miqësore me Lazion ditën e djeshme dhe kjo i ka bërë tifozët që ta duan akoma edhe më shumë, pavarësisht se ultrasit, të cilët njihen si fashistë, vazhdojnë të jenë kundër tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
