Pas Genoa-s, Milanit, Napolit dhe Juventusit frika e koronavirusit ka pushtuar edhe Interin.
Sot paradite u konfirmua se një futbollist zikaltër kishte rezultuar pozitiv. Më vonë nga verifikimet rezultoi se nga pandemia ishte i prekur mbrojtësi i talentuar Alesandro Bastoni, i cili ishte i grumbulluar me kombëtaren.
Por si të mos mjaftonte kjo në mbrëmje kanë ardhur të tjera lajme negative në këtë aspekt. Ashtu si në rastin Bastoni, fillimisht ende nuk dihet kush është futbollisti i prekur, por një tjetër rast ka rezultuar pozitiv me koronavirus. Mediat italiane aludojnë për Milan Skriniar.
Që herët në mëngjes Inter ka përgatitur qendrën stërvitore për një situatë të tillë ndaj sot ata futbollistë të cilët nuk janë me kombëtaret janë stërvitur në mënyrë individuale, duke shmangur çdo kontakt fizik të panevojshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
