Problemet e hasura në lidhje me transferimin e Jules Koundes në ‘’ Stamford Bridge ‘’ i kanë dhënë një tjetër shans Chelseat për të përforcuar prapavijën .
Pavarësisht blerjes së Kalidou Koulibalys , traineri i ‘’ Bluve të Londrës ‘’ Thomas Tuchel po planifikon një blerje nëse s’do të arrihet akordi me francezin.
Një ndër emrat e përfolur është ai i Presnel Kimpembes. 26 vjeçari e ka deklaruar në disa raste se kërkon të qëndrojë tek Paris St Germain por kjo situatë mund të ndryshojë në vijimësi .
Edhe Josko Gvardiol i Leizpigut vijon të mos i hiqet nga mendja ishi-t të Borussia Dortmundit për arsye se konsiderohet një ndër më të mirët në pozicionin ku luan aktualisht. Kroati ka fituar shumë pikë në sezonet e fundit dhe ndoshta Chelsea do ta ketë fatin për ta patur pjesë në këtë merkato verore .
Lista mbyllet me Milan Skriniar. Pavarësisht rëndësisë tek Interi , sllovaku në disa raste ka deklaruar se kërkon të transferohet tek një ekip që i jep shansin për të fituar Uefa Champions Leaguen .
Zikaltërit pretendojnë 70 milionë euro për 27 vjeçarin , shifër aspak problematike për kryeqytetasit të cilët synojnë fitimin e trofeve të rëndësishëm në Angli dhe më gjerë .
Një aspekt në favorin e Milan Skriniar është se mund të adaptohet menjëherë në linjën me tre mbrojtës por ky operacion parashikohet i ndërlikuar sepse mbetet një lojtar stabël në skemat e Simone Inzaghit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
