Domenico Tedesco, do të jetë trajner i Belgjikës deri në vitin 2026. Palët kanë arritur marrëveshjen, për rinovimin e kontratës dhe zyrtarizimi ka ardhur nga vetë federata belge.
Tekniku italian, ka bindur drejtuesit gjatë drejtimit të tij dhe do të vazhdojë në stol.
Pas rinovimit, trajneri u shfaq shumë i lumtur, duke deklaruar se po e shijon detyrën që i është ngarkuar.
Për mua është një privilegj dhe një nder i madh të jem trajner i kombëtares belge. Të gjithë ne në ekipin teknik e shijojmë shumë këtë detyrë. Puna me ekipin, por edhe me të gjithë punonjësit e federatës, është fantastike.
Unë përshtatem 100% me këtë kombëtare, për këtë arsye jam shumë i lumtur, po vazhdojmë rrugën që kemi zgjedhur së bashku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
