Atletico i vendosur për një anësor

 Vijimi i rrugës drejt fitimit të Primera Division nuk e ka ndalur  Atletico Madridin për të menduar për objektivat e merkatos  . Ndër emrat e parapëlqyer për tu transferuar në ‘’ Wanda Metropolitano ‘’ është Alejandro  Grimaldo . Mbrojtësi i Benfikës e ka forcuar figurën  tek portugezët me të cilët e përfundon kontratën në vitin 2023.  Që prej transferimit në 2016 në ‘’ Estadio Da Luz ‘’ spanjolli ka ditur të perfeksionojë nivelin në ligën Nos dhe ka spikatur . Aspiratat e kryeqytetasve për të marrë shërbimet e Alejandro Grimaldos janë të vjetra por fakti se mbetet një lojtar i pazëvëndësueshëm për skemat e  Jorge Jesus prodhon një vështirësi më vete për ta finalizuar këtë operacion . Gjithsesi tentativat e shumta të ‘’ Los Colchoneros ‘’ nuk e kanë ndalur vrullin vetëm tek ishi i Barcelonës B sepse ndër alternativat e të ardhmes përfshihet edhe një element efikas i Valencias .

Flitet për  Jose Luis Gaya  për të cilin qëndron e paluhatur në luftë  edhe Barcelona . Me kontratë deri në 2023 shin dhe me klauzolën e prishjes së saj prej 100 milionë eurosh  shikohet si një operacion gati i pamundur për ‘’ Los Rojiblancos ‘’ . Listës së gjatë të Cholo Simeones nuk i ka shpëtuar  as anësori i Atalantës Robin Gosens . Gjermani e ka konsoliduar prej sezonesh pozicionin  në skuadrën e Gian Piero Gasperinit dhe me 38 takimet e luajtura me ‘’ La Dean ‘’ gjatë  aktualit  ia kanë rritur vlerat  .  Kontrata e ishit të Heracles Almelos me surprizën e Serisë A në vitet e fundit përfundon në 2022- shin dhe shifra që kërkojnë bergamaskët për ta lënë të lirë është 30 milionë euro por nuk duhet harruar se  pretendohet me ngulm edhe nga Borussia Dortmundi dhe Manchester City .

Një fakt që  mund ta favorizojë këtë histori është se Atletico Madridi vijon me ngulm drejt fitimit të Primera Division dhe në rast se diçka e tillë ndodh , me siguri do ti shërbejë ndonjë emri të lartpërmendur për tu bërë pjesë e skemave  të Diego ‘’ El Cholo ‘’ Simeones gjatë verës.