Merkatoja e janarit mund të rezultojë fillimi i një eksperience të re në karrierën e Raphael Varanes.
Për francezin ka shfaqur interes Real Madridi, skuadër e cila kërkon ti japë një tjetër mundësi pas ulje-ngritjeve të vazhdueshme tek Manchester United.
Lajmi është bërë me dije nga ‘ Football Insider ‘ pasi drejtuesit e ‘’ The Red Devilsave ‘’ vijojnë të pakënaqur me rendimentin e mbrojtësit.
Edhe pse cilësitë e 30 vjeçarit janë të padiskutueshme, ky fakt konsiderohet i patolerueshëm, shtuar edhe peripecitë e kësaj skuadre në fazën e parë të sezonit.
Largimi i Raphael Varanes nga ‘’ Old Trafford ‘’ sigurisht pritet të ketë një impakt në mbrojtjen e 20 herë kampionëve të Premier Leagues, të cilët po zhvillojnë një sezon për tu harruar, të reflektuar edhe me eleminimin nga faza e grupeve të Champions Leagues.
Në lidhje me ‘’ Galaktikët ‘’ , ishi i Lens zhvilloi 10 sezone në të kaluarën, të shoqëruara me fitimin e shumë trofeve dhe gjatë merkatos së janarit ekziston mundësia që të rikthehet në ‘’ Santiago Bernabeu ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
