Atletico vijon me ritme të kënaqshme luftën në lidhje me përforcimet . ‘’ Los Colchoneros ‘’ janë drejt firmosjes me Rafa Mir , i cili ka zhvilluar një sezon brilant me modestët e Hueskës . Duhet theksuar se të drejtat e kartonit të spanjollit i përkasin Wolverhamptonit , ekip me të cilin i mbetet edhe një vit kontratë . 24 vjeçari është grumbulluar me kombëtaren e Spanjës në lojërat Olimpike e cila do të zhvillojë ditën e sotme finalen kundër Brazilit , sfidë në të cilën ‘’ La Furia Roja “ beson se mund ta mposhtë ‘’ Seleçaon ‘’.
Aktualisht Rafa Mir gëzon një formë të shkëlqyer fizike dhe ky fakt do ta ndihmonte për tu vënë menjëherë nën urdhërat e Diego Simeones .
Në lidhje me golashënuesin kryeqytetasit mposhtën Sevillan e cila prej kohësh pretendonte spanjollin e talentuar . Me rikthimin e Huescas në Segunda , Rafa Mir është përpara një mundësie të artë për të vijuar ngjitjen e shkalllëve në karrierë por këtë herë në një kontekst ndryshe sepse flitet për një ndër kockat e forta të Spanjës dhe më gjerë. Performanca e zhvilluar në lojërat olimpike ia ka mbushur mendjen Diego Simeones që të këmbngulë për këtë lojtar .
Duke qenë se është afër një triumfi historik me kombëtaren , Rafa Mir është rezervuar në lidhje me këtë çështje dhe gjatë një interviste për ‘ As ‘ ka deklaruar se është 100 % i fokusuar tek ndeshja e sotme :
“ Atletico është një klub i madh dhe më pëlqen forma se si luan . Për mua do të ishte një mundësi shumë e mirë por momentalisht jam i përqëndruar tek ndeshja kundër Brazilit “ , deklaroi Rafa Mir .
16 golat e shënuar nga shtatlarti nuk mjaftuan për Huescan të cilës do ti duhet të tregojë edhe një herë vlerat në Segunda Division , fakt që e bën edhe më të realizueshëm objektivin e Atleticos .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
